Արշիլ Կորքի (1904-1948)

   Gorky1 Արշիլ Կորքի` Ոստանիկ Ադոյեան, ծնած է Վանի մերձակայ Խորգոմ գիւղը 1904-ին: Կորքի լքած է Վանը 1915-ին Հայոց Ցեղասպանութեան հետեւանքով եւ մօր ու 3 քոյրերուն հետ անցած է Ռուսաստանի կողմէ վերահսկուող տարածք: 1919-ին Կորքիի մայրը վախճանած է սովէն Երեւանի մէջ, իսկ Կորքի մեկնած է ԱՄՆ, հօր մօտ: Ստեղծագործական որոնումներու մէջ ան կը փոխէ անունը՝ դառնալով Արշիլ Կորքի, այդպիսով ակնարկելով իր սիրած գրող Մաքսիմ Կորքիի: 1922-ին Կորքին ընդունուած է Պոսթընի Տիզայնի նոր դպրոցը, սկիզբը նկարած է տպաւորապաշտներու ազդեցութեան տակ, աւելի ուշ` ապագայապաշտներու (այդ ժամանակ ան կը բնակէր Նիւ Եորքի մէջ): Կորքիի առաջին անհատական ցուցահանդէսը տեղի ունեցած է Մելոնի պատկերասրահին մէջ 1931 թուականին: 1930-ականներուն Կորքին սերտօրէն կը համագործակցէր Սթիուըրտ Տէյվիսի, Ուիլլեմ տը Քունինիկի եւ Ճոն Կրեմի հետ……….: 1944-ին ան ծանօթացաւ Անտրէ Պրեթընի եւ յայտնի այլ գերիրապաշտներու (surrealist) հետ: Առաւել յայտնի են Կորքիի` «Նկարչի եւ անոր մօր դիմանկարը» (1926-36թթ.), «Բնանկար Սեզանի ոճով» (1927), «Ինքնադիմանկար» (1937), «Կազմակերպութիւն» (1933-36), «Composition» (1936-39) եւ այլ նկարները: Կորքի 1948-ին՝ 44 տարեկանին ինքնասպան եղած է: Կորքին կը համարուի 20-րդ դարու ամերիկեան ամենաազդեցիկ նկարիչներէն մէկը, անոր նկարները կը ցուցադրուին Ամիրիկային Միացեալ Նահանգներու բոլոր ամէնէն մեծ պատկերասրահներուն մէջ, ինչպէս նաեւ Լոնտոնի «Թէյթ» պատկերասրահին մէջ:

0
0



Responses are currently closed, but you can trackback from your own site.

Comments are closed.