ԵՐԳ ԵՐԳՈՑ

11

ՀԱՄԱԶԳԱՅԻՆԻ Ն. ԱՂԲԱԼԵԱՆ ՄԱՍՆԱՃԻՒՂԻ ԵՐԱԺՇՏԱԿԱՆ ՅԱՆՁՆԱԽՈՒՄԲԻ ԿԱԶՄԱԿԵՐՊՈՒԹԵԱՄԲ ՀԱՅԱՀՈՒՆՉ ԵՐԳԱՀԱՆԴԷՍ՝ «ԵՐԳ ԵՐԳՈՑ»Ը ՀԱՆԴԻՍԱՏԵՍԻՆ ՏՐԱՄԱԴՐՈՒԹԻՒՆԸ ԲԱՐՁՐԱՑՈՒՑ

PERIO NEWS:

 

   Արուեստի կեանքին մէջ երգը առհասարակ իր իւրայատուկ դրոշմը եւ տեղը ունի: Երաժշտութիւնը հոգիները ազնուացնող եւ մարդոց ապրումները բարձրագոյն ու դրական աստիճանի հասցնող կախարդական ուժ մը ունի: Տակաւին, հայ երգը ներշնչման աղբիւր եղած է սերունդներու գոյատեւման առաքելութեան մէջ :   →
Արդարեւ, կազմակերպութեամբ` Համազգայինի Հալէպի «Ն. Աղբալեան» մասնաճիւղի երաժշտական յանձնախումբին, կիրակի, 2 մարտ 2014-ին կէսօրէ ետք ժամը 4:00-ին, «Գ. Եսայեան» հանդիսասրահին մէջ տեղի ունեցաւ երգահանդէս «Երգ երգոց» խորագիրով:
Համազգայինի հիմնադրութեան 85-ամեակի շրջածիրին մէջ ներառնուած սոյն հանդիսութեան բացման խօսքը Համազգայինի «Ն. Աղբալեան» մասնաճիւղի երաժշտական յանձնախումբին անունով արտասանեց ընկհ. Կարինէ Քէշիշեան:
Ապա «երգ երգոց»ի առաջին արարը յաջորդաբար երգուեցան աշուղական, ժողովրդային եւ էսդրատային երգեր ստորեւ նշուած հալէպահայ սիրուած երգիչներով…

«Վառ պատկերդ»՝ Մհեր Մինասեան

«Զով գիշեր»՝ Յակոբ Այնթէպլեան

«Սիրոյս կը սպասեմ»՝ Համբիկ Հեքիմեան

«Յիշիր սիրելիս»՝ Յակոբ Մկրտիչեան

«Բնջլիկ մնջլիկ»՝ Մհեր Մինասեան

«Ի՜նչ իմանայի (այն օրուանից)՝ Համբիկ Հեքիմեան

«Սիրում եմ քեզ»՝ Վարիա Այնթէպլեան

«Այսօր ես իմ եարիս տեսայ»՝ Յակոբ Այնթէպլեան

«Քո սեւ աչերով»՝ Յակոբ Մկրտիչեան

«Սարի սիրուն եար»՝ Յակոբ Այնթէպլեան

«Ջէյրանս դու ես»՝ Մհեր Մինասեան

«Թէ աչերս քեզ որոնեն»՝ Համբիկ Հեքիմեան

Իսկ երկրորդ բաժինով.-

«Չկայ քեզի նման»՝ Մհեր Մինասեան

«Մի գեղեցիկ պատահեցաւ»՝ Յակոբ Մկրտիչեան

«Դու անմեղ ես»՝ Համբիկ Հեքիմեան

«Հաւատում եմ»՝ Վարիա Այնթէպլեան

«Ջութակս» եւ «Ծաղկիր ինձ համար»՝ Յակոբ Այնթէպլեան

«Եարը մարդու եարա կու տայ»՝ Յակոբ Մկրտիչեան

«The lost tango» եւ «Սիրոյ մեղեդի»՝ Վարիա Այնթէպլեան

«Գիշեր ու ցտրեկ« եւ «Լուսնակ գիշեր»՝ Յակոբ Այնթէպլեան

«Ճէյրանի պէս սարերով»՝ Մհեր Մինասեան

«Նարինէ»՝ Յակոբ Մկրտիչեան

«Այնպէս անփոյթ» եւ «Ասում են թէ»՝ Համբիկ Հեքիմեան

«Երգ երգոց»ի համերգը փակուեցաւ բոլոր երգիչներուն մասնակցութեամբ «Արեւաշող իմ Հայաստան» երգի երգեցողութեամբ:

 

 Յայտնենք, որ վերոնշեալ երգիչներուն կ’ընկերակցէր «Սպիտակ» նուագախումբը՝ Սագօ Ջուլճեան (տեղնաշարային գործիքներ), Րաֆֆի Չուլճեան (հարուածային գործիքներ), Վազգէն Նազարեան, (սոլօ կիթառ) եւ Ժանօ Գաւլաքեան (պաս կիթառ): Անոնք ներկայացան բարձրորակ արուեստով եւ երգահանդէսի ընթացքին ներկայացուցին մենանուագ մը:
Նշենք, որ ձեռնարկին հանդիսավարն էր ընկհ. Բալիկ Աւագեանը. ան իր բարձր կարողութեամբ եւ բարձրաճաշակ ոճով, երգերը յաջորդաբար ծանօթացուց ու անոնց մասին համապատասխան բացատրողականներ տուաւ, ինչպէս նաեւ իր իւրայատուկ գոյնով ներկայացուց ամբողջ երկու ժամ տեւողութեամբ ձեռնարկը` հմայելով ներկաները:
Բոլոր անոնք, որոնք առիթ ունեցան լսելու հալէպահայ երգիչներու կատարումները, «Սպիտակ» նուագախումբի մասնակցութեամբ, ապրեցան վայելքի բացառիկ պահ մը. տպաւորիչ, հոգի լեցնող հայկական երգեր արձագանգեցին «Գ.Եսայեան» հանդիսասրահի կամարներուն տակ: Հայկական հարազատ եւ հոգեպարար մեղեդիները թափանցեցին սրտերը ունկնդիրներուն, որոնք որոտընդոստ ծափերով, երգեցողութեամբ, ինչպէս նաեւ խմբային պարերով իրենց խանդավառութիւնը արտայայտեցին:
Հակառակ գաղութին մէջ տիրող տագնապալի պայմաններուն, հանդիսատեսը գէթ քանի մը ժամ իր տագնապալի ժամերը թօթափեց, հոյակապ պատրաստուած եւ բծախնդրօրէն ընտրուած հայաշունչ մեր գեղեցիկ երգերով:
Համազգայինի «Ն. Աղբալեան» մասնաճիւղի երաժշտական յանձնախումբին նախաձեռնութեամբ տեղի ունեցած երգահանդէսը՝ «Երգ երգոց»ը իսկապէս արժանի է ամենաբարձր գնահատանքի, շնորհաւորական ու երախտագիտական ամէն խօսքի:
Ապրի՛ք, բոլորիդ վարձքը կատար:

  1. 11
  2. 12
  3. 13
  4. 14

 

0
0



Responses are currently closed, but you can trackback from your own site.

Comments are closed.