Սուրիոյ Պատմական

Սուրիոյ Համազգայինի  պատմութիւն

 

1928 Մայիս 28-ին Գահիրէի մէջ հիմնուած Համազգային Կրթական եւ Մշակութային Միութիւնը կեանքի կւչուած էր գաղափարապաշտ գործիչներու եւ մտաւորականներու, ինչպէս՝ Լեւոն Շանթ, Նիկոլ Աղբալեան, Համօ Օհանջանեան, Գասպար Իփէկեան, Ստեփան Եսայեան, Մինաս Խաչատուրեան, Վահան Նաւասարդեան, Գուրգէն Մխիթարեան, որոնք որպէս հիմնադիր մարմին նպատակադրած էին հայկական Սփիւռքը օժտել այնպիսի կառոյցով մը, որ հայ ժողովուրդին եւ մանաւանդ նոր սերունդին կարենար տրամադրել հայ կրթական եւ մշակութային ենթահողը եւ նոր ստեղծագործութիւններու համար անհրաժեշտ միջոցները

Անցնող 75 տարիներուն Համազգայինը իր բազմաթիւ մասնաճիւղերով դարձաւ սփիւռքահայութեան մշակութային մեծագոյն կազմակերպութիւնը Միացեալ Նահանգներու, Քանատայի, Անգլիոյ, Յունաստանի, Եգիպտոսի, Լիբանանի, Աւստրալիոյ, ինչպէս նաեւ՝ Սուրիոյ մէջ, տարածելով իր գործունէութեան դաշտը մինչեւ անոր ծայրամասերըը

Հալէպի Հ.Ե.Մ. մասնաճիւղը հիմնուած 1929-ին, այժմ 300 անդամ-անդամուհիներով.

«Ն. Աղբալեան» մասնաճիւղը հիմնուած 1930-ին, այժմ 400 անդամ-անդամուհիներով.

Դամասկոսի «Լ. Շանթ» մասնաճիւղը հիմնուած 1951-ին, այժմ 197 անդամ-անդամուհիներով.

Գամիշլիի «Ա. Ահարոնեան» մասնաճիւղը հիմնուած 1978-ին, այժմ 79 անդամ-անդամուհիներով.

Քեսապի «Հ. Օհանջանեան» մասնաճիւղը հիմնուած 1988-ին, այժմ 53 անդամ-անդամուհիներով.

Լաթաքիոյ «Վ. Նաւասարդեան» մասնաճիւղը հիմնուած 1989-ին, այժմ 73 անդամ-անդամուհիներով յանձնառու եղած են իրենց վստահուած պարտականութեանը

Համազգայինի «Զուարթնոց» Երգչախմբային Միաւորի Վարչութեան նախաձեռնութեամբ երգչախումբը 35 տարիներու իր յաղթական ելոյթներուն կողքին գեղարուեստական ղեկավարութեամբ հայրենի արուեստագէտներ Տիարք Պօղոս Ապաճեանի, Ռ. Ալթունեանի, Խ. Մեխանաճեանի, Սեդրակ Երկանեանի, Ռ.  Սվաճեանի, Սամուէլ Վարոսեանի, Կարէն Սարգիսեանի, Գերշ. Տ. Կոմիտաս Ծյրգ. Վրդ. Օհանեանի, մասնակցութիւն բերած է ազգային թէ պետական տօներու առթիւ կազմակերպուած հրապարակային հանդիսութեանց, առաւել եւս ընդառաջելով հրաւէրներու խանդավառած է Սուրիոյ եւ Լիբանանի հայահոծ գաղութները իր համերգներովը Ելոյթ ունեցած է ի պատիւ Կիլիկիոյ Թեմի Ազգ. Կրօնական Ժողովի (գումարուած 1992-ին) պատգամաւորներուն, հովանաւորութեամբ երջանկայիշատակ Գարեգին Բ. Կաթողիկոսինը

Համազգայինի «Զաւարեան» Թատերական Միաւորի Վարչութեան նախաձեռնութեամբ «Զաւարեան» թատերախումբը սկիզբ առած 1944-ին, թատերասէր հասարակութեան ներկայացուցած է հայ թէ օտար թատերագրերու գործերը, բեմադրութեամբ հայրենիքէն վկայեալ բեմադրիչներ Յ. Չննոզեանի, Գր. Քէլէշեանի եւ Լիբանանէն հրաւիրուած «Թատրոն 67»ի բեմադրիչ Վ. Խտշեանի, որոնք իրենց հնարաւոր ճիգերով ջանացած են լաւագոյն ձեւով ներկայացնել պատմական թէ ժամանակակից թատերախաղը, ողբերգութիւնն ու կատակերգութիւնըը

Pages: 1 2 3